نكت ! نكت ! نكت !

مرة وحدة جوزها تاه راحت القسم فبتقوله ياباشا انا جوزى تايه فقالها قوليلى
مواصفاته فقالتله عنيه خضرة شعره اصفر طويل ابيض حليوة
فراح ابناها قالها لاء ياماما دية مش مواصفات بابا فردت عليه امه وقالتله اسكت ياواد يمكن يجبولنا واحد احسن منه


مرة واحد كان بيدهن الحائط بوهية فخلصت البوهية راح
كتب على الحائط الخ...


صعيدى شاف فى الجرايد حادثه واحد فى امريكا قتل مراته ودفنها تحت
السرير والبوليس الأمريكى لم يكتشف ذلك الا بعد 25 سنه قام قال لنفسه
يبقى انا لو عملت كده البوليس عندنا مش حيكتشف ابداً راح فعلاً قاتل
مراته وحفر تحت السرير وحطها مفيش ربع ساعه والبوليس
قبض عليه فتعجب قوى وسأل الظابط انتم ازاى كشفتم الجريمه بسرعه قوى
كده ده فى امريكا ماكتشفوهاش الا بعد 25 سنه رد
عليه الظابط اصل فى امريكا الراجل كان ساكن فى الدور الأرضى وأنت ساكن
فى الدور الخامس



واحد صعيدي دخل الجيش ووقف حراسة على بوابة معسكر... عدى عليه الشاويش محمد وقاله:اللواء فريد جه؟
قاله : ماجاش يا شاويش محمد...
وبعد ساعة رجع له الشاويش محمد وسأله: اللواء فريد جه؟ قاله لسه ما جاش...
وبعد ساعة رجع له تانى وسأله اللواء فريد جه؟ قال له لسه ما جاش...
وبعد ساعة جه اللواء فريد... فقاله العسكرى : أنت فين من بدري الشاويش محمد حيخرب بيتك


مره واحده نكديه كانت كل يوم بتنكد على جوزها جه جوزها فى يوم قالها نخلى النكد يوم واحد فى
الاسبوع قالتله ماشى قلها يوم الاربع قالته طيب جه يوم التلات بليل لاقاها عماله ترقص بيقلها فى ايه قالتله بكرة النكد بكره بكره النكد بكره



عريس عصبي يوم فرحه كتب في بطاقةالدعوة: الزفت اللي هايجي ميتأخرش...واللي مش جاي في ستين داهية ... والعيال الرذلين الصغيرين يتخمدوا فى البيت..... و اللي هاتجيب موبايل كاميرا هفقع لها عينيها الاتنين....وابقوا اطفحوا فيبيوتكم .. كفايه اللي دفعته للموكوسه العروسه.... اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا .... الرقص ممنوع .. الضحك بصوت ومن غير صوت ممنوع...... وابقى عيل لو اتجوزت تانى


واحد حرامي قرر يتوب سرق شريطين لعمرو خالد



ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه


يحكى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الردة وارتفاع سعر أنبوبة الغاز فى الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء تحيا حكومة جمهورية مصر العربية


مره واحد بلدياتنا سافر امريكا فراح يحجز فى فندق فراح مالقاش غرف فاضيه راح نام فى الحديقه العامه فطلع عليه ثلاثة حراميه سرقوا كل اللى معاه وحلقولوا شعره قم صحى من النوم بيحط ايده فى جيبه مالقاش الفلوس قم قعد يعط وبيحط ايده على دماغه بيبص اتلقى نفسه اقرع قال الحمد لله مش انا

هههههههههههههههههههههههه
جامده علي فكره
انت مدايق ليه يا رايو

انت تبعهم ولا ايه