سرى للغايه !!!!!

هذه المكالمات التى يتم تسجيلها بواسطه اقوى جهاز مخابرات فى العالم (FBS)
Foot Ball Spies)) وشعارنا (هتعمل التليفون صامت هتعمله فيبريشن هنجيبك هنجيبك) والأن بعد النجاح في تسجيل مكالمة مانويل جوزيه وعدلى القيعى, ومكالمة اجوجو ومسئول الزمالك, والعديد من المكالمات الاخرى (تم عرضها في مكالمات سريه 1) نقدم لكم اخطر المكالمات التى تم التقطها عبر اكبر شبكة تجسس في العالم

ترن ..ترن ترن .. ترن

ديكستال(المدير الفنى للزمالك) : الو خبيبي كيفك مرجان خادم الجان اللى طلع السكر من البتنجان .
مرجان : أمر امرك مطاع بس من غير رغي عندى صداع
ديكستال : خبيبي انا رخت لواخده بتقري الفنجان قالتلى طريقك مسدود يا خبيبي . كلها 3 خطوات وتاخد استماره 6 , قلتلها ازاى كده , قالتى يعنى فاضلك زلطه وتطلع بره .
مرجان : مش قلتلك من غير رغي , كلامها واضح يعنى بعد 3 شهور هيكرشوك من الزمالك
ديكستال : ماهو علشان كده عاوزك تعملى عمل مسحور يخلينى اقعد في الزمالك على طوول
مرجان : اعملك عمل تقعد على طول ههههههههههه كنت عملته لنفسي يااخويا
ديكستال : ايه ده هو انت دربت نادى الزمالك !!
مرجان : هو فيه حد مدربش نادى الزمالك.....
هههههههههههههههههههه

ترن ..ترن ترن .. ترن

عصام الحضري : الو مرجان , كنت فين بكلمك بقالى اسبوع تليفونك مقفول
مرجان : ايوا يا عصام عاوز ايه مش كفايا اللى حصلي بسببك
عصام الحضري : حصلك ايه بسببي وعملت ايه في العمل اللى طلبته منك
مرجان : عمل ايه بس اسكت
عصام الحضرى : مش قلتلك تعملى عمل تخلي جماهير الاهلى تسامحنى وادارة الاهلى ترجعنى العب في الاهلى
مرجان : اسكت متفكرنيش انا حضرت العفاريت واول ما قلت اسمك وقلت طلبك العفاريت علقتنى من رجلى اسبوع تحت الارض
عصام الحضري : ليه كده
مرجان : العفاريت طلعت بتشجع النادى الاهلى ومش طايقه تسمع اسمك
عصام الحضري : ينهار احمر حتى العفاريت طيب والعمل
مرجان : شوف حد عنده الة زمن يرجع الزمن لوري قبل ما تسيب الاهلى ده الحل الوحيد ... ههههههههههههههههههههه

ترن ..ترن ترن .. ترن ترن

مشجع زمالكاوى : الو مرجان
مرجان : الو مين معايا
مشجع زمالكاوى : انا سمعان مشجع نادى الزمالك اللى طلب منك تعمل عمل للفريق علشان يفوز في مطش بنى عبيد , يعنى مش كفايا الدوري ضاع اهوه الكاس كمان ضاع
مرجان : ربنا يعوض عليك يا ابنى
المشجع : انت شكلك ساحر اى كلام حتة عمل صغير زى ده مش عارف تعمله
مرجان : مش عارف اعمله ايه بس , ده انا نادى الزمالك ده هيخلينى اطلع من هدومى
المشجع : ليه بس يا مرجان
مرجان : بص ياابنى انا نزلت 11 عفريت يلعبوا مع نادى الزمالك في المطش ده
المشجع : وكانو فين ال 11 عفريت دول لما الزمالك اتغلب
مرجان : يابنى الحكم صفر كده وكل لعيب من الزمالك يجي يشوط الكوره من هنا يقلش يشوط العفريت اللى بيلعب معاه بره الملعب ,كل العفاريت طلعت مصابه من اول 10 دقايق والاحتياطى شاف اللى حصل للاساسي هرب اعملك ايه تانى بقي
ههههههههههههههه


ترن ..ترن ترن .. ترن

عبد المنصف (حارس الزمالك) : الو مرجان
مرجان : ايوا يا منصف ازيك عامل ايه
عبد المنصف : مش كويس خالص عبد الواحد السيد رجع تانى وشكلى هطول على الدكه
مرجان : معلش اتدرب كويس وربنا يوفقك
عبد المنصف : افهم من كده ان العمل اللى قلتلك تعملهولى مش نافع
مرجان : عمل ايه يا منصف معلش كنت مشغول بالعمل بتاع احمد شوبير وزاهر
عبد المنصف : مش قلتلك انى علشان ارجع اساسي لازم اقف مطش الاهلى الجاى وميدخلش فيا اجوان خالص
مرجان : طيب وايه المشكله انت حارس كويس
عبد المنصف : يامرجان انا كل ما اقف في مطش الاهلى يدخل في 3 او 4 اجوان بالميت
مرجان : اه بس دى مشكلتك دى بسيطه قوى ومش محتاجه عمل
عبد المنصف : بجد ازاى بقي
مرجان : مش النادى الاهلى بيلبس احمر
عبد المنصف : اه طبعا
مرجان : هات 2 ديوك رومى وحطهم في الجون معاك وابقي خلى مهاجم من النادى الاهلى يدخل منطقة الجزاء

مواضيعك كلها جامده علي فكره يا عمرو

merci ya dalo3aaaa da bs men zo2k wallhy
ama ento ya rayo bsra7a m3esh rkm tlefono bs momken adek 3nwano
awel bet b3d elna5la elly 2alboha shagra b3d el e7tlal