اسامه منير انا والبطيخ وهواك

مستمعينا لسه بنتكلم عن الحب وحلقتنا النهارده عن
الاستهبال في الحب
معاكم اسامه منير علي نجوم fm مزيكا علي كيف كيفك
في.. انا و البطيخ و هواك

من دلوقتي ولمدة ساعتين
مستنين تليفوناتكم علي 6066
او علي 8555022
او علي ايميل البرنامج
علي هواك ات نيل راديو بروداكشن دوووت كوووم
برعاية ان تاتش و كريمات زحلقها

دايما بتمر بينا اوقات بنحس فيها اننا مش قادرين نعيش من غير الحب و من غير الحبيب
و الشعور دا متولد و منبثق من الاحساس التواجدي الكوني في اللامركزيه العصبيه للقلب
و دايما بتقابلنا مواقف كلها استهبال في الحب
ياترى احنا بنعمل ايه و رد فعلنا بيكون ايه لما نقابل حد بيستهبل في الحب ..
وخصوصا اننا جيل موبايلات
و انتوا عارفين ان انا عندي 18 سنة فحاسس بيكم و حاسس بمشاكل الجيل كلها ...

اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك
و في الاخر لما الرصيد يقرب يخلص تقولها بحبك بحبك امموووه
تقولك انت بتستهبل يا حبيبي اتلم لساورس يشوفنا

و والولد اللي ييجي في اوقات يعمل فيها عالم فلك و يقول انا بقرا الكف
و يفضل يفعص في كف ايد البنت ولا كأنه شاف ايدين قبل كدا
و في الاخر تقوله
انت بتستهبل ؟؟ حد يشوفنا
و همااساسا قاعدين في الشارع
مستمعينا الاستهبال في الحب حالة بتمر بكل المهاطيل و المهابيل
من ابناء الجيل و لو مستخدمناش عقلنا في الاستهبال بيقلب عباطه
وممكن مغص كلوي

نستقبل اول اتصال تليفوني و نقول الوو
الوو
الووو
الووووو

واضح ان الخط قطع

- اللووووو ايوا يا اثامه
اهلا نتعرف بيكي ..
- بثمه
اهلا بيكي يا بسمه ياريت تعلي صوتك شويه
- معلش يا اثامه اثل انا بتكلم من تحت البطنية ..
مفهوم طبعا عشان محدش يقفشك و انت بتتكلمي
بثمة بنتكلم النهارده عن الاستهبال في الحب
.. تقدري تقوليلي يعني ايه الاستهبال في الحب و بيمثل لك ايه

- بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث
و ثلملي علي حتومه و قوله انه لذيذ اووووي و بنحبه موووت ..

هو بيضحك وفاتح بقه اهوه و بيقولك
مرسي ليكي يا بسمه

- يا اثامه انا بكلمك عشان الحلقة بتاعتك النهارده مخثوث عشاني
انا كنت بحب واحد و انا في 5ابتدائي و فضلنا نحب بعض للجامعة
جميل
- اهـء اهـء اهـء

لا اهدي يا بسمه و قوليلي ايه اللي حصل

- يا اثامه اخد كل حاجة كل حاجة
حتى الموبايل
اهـء هـء هـء

طيب اهدي يا بسمه
بصي يا بسمه
الحب شعور متبادل بين اتنين
مينفعش طرف واحد من غير الطرف الاخر و لازم الاتنين يكونوا متفاهمين و متعاونين
هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد
برغوته الجديدة حل المشكله
مستمعينا نسينا نقول ان تايد من رعاة البرنامج
مع تاااااايد في الغسيل مفيش مستحييل
بشكرك يا بسمه علي اتصالك و بهديلك اغنية السوبر ستار عمرو دياب ....

يا قاعدة علي الترعه و بتغسلي المواعين
جاتك ستين وكسه دا شرفك بقا في الطين

نص ساعة اعلانات ..

انا و البطيخ و هواك برنامج للحب و عن الحب
مع اوووووسامه منير

الحب
لحظات من الامل متولدة في وسط غابات الغضب البشري الجارف المتعارض مع احداث الحياة
فالحياة بدون حب
كالشجرة بدون موبايل ..

مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

الوقت بيمر معاكم بسرعة و حاتم بيضحك مش عارف علي ايه بس تقريبا عشان البت
اللي بتبيع ترمس علي كوبري ابو العلا حولت له 5 جنية رصيد ..
هاه ؟؟ عشره رصيد
طيب اشطه يا حتوم .. اخوك بقا هاه

نستقبل اتصال تليفوني و نقول الووو
الووو
الووو
الوووووو

الظاهر الخط قطع

الوو ايوا يا اسامه

اهلا نتعرف بيكي
ياريت تعلي صوتك لان الصوت بعيد اوي

_معلش اصل انا بكلمك من الحمام
انا سمر من المنوفية
اهلا بيكي يا سمر
سمر بتكلم النهادرة عن الاستهبال في الحب
انت ايه رأيك في الاتستهبال عامة و خصوصا في الحب

_اسامة انا عاوزه اقولك في الاول انت انت احلى و اجمل اعلامي و صوت شفته في حياتي
و انا بسجل كل الحلقات بتاعتك و بحبك اوووي يا اسامه
ربنا يخليكي يا سحر ..
انا كنت بحب واحد نجار مسلح و بعدين كنت في يوم ماشية في الشارع لابسه باضي جميل و ديق موووت و بعدين واحد عاكسني فحبيبي شلحف

مين ياسمر ؟؟
_شلحف هو اسمه شادي بس انا بدلعه شلحف
قام ضارب الواد اللي عاكسني بالعتله الحديد شاقق له دماغه
هو دلوقتي في السجن
و انا بحبه اوي يا اسامه و مش عارفه اعمل ايه
و اهلي بيضغطوا عليا مووووت مووووت عشان اتجوز واحد قد ابويا
اسامه انا مش عارفه اعمل ايه

بصي يا سحر
_سمر
اه سوري
بصي يا سمر
بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه
و حبيبك بيحبك و ان شاء الله يطلع بالسلامة
بس تعرفي هو لو كان العتله الحديد مصنوعه من حديد عز اكبر مصنع في الشرق الاوسط و المصدر الرسمي لحديد الجدار العازل كان حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..

شكرا يا ساره على اتصالك و بهديلك اغنية السوبر ستار محمد فؤاد

يا مسجون في لومان طره
نفسي اكل معاك كوز دره

نص ساعة اعلانات

مستمعينا لسه بتكلم عن الحب و لسه بنسأل عن الاستهبال في الحب
مستني تعليقاتكم علي 6066 او علي 8555022
او علي ايميل البرنامج
علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و برسيل و اومو و اريال ..

اس ام اس كتيرررر جدا النهاردة
هااي اسامه بحبك مووت... وبحب صوتك .. صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت انا اتعرفت على واحد من ع النت وقابلته بس نفسى احسسه بمشاعرى
اعمل ايه ارجو الرد يااحلى اعلامى واعذب صوت فى الكون..
__________________

هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا
حتى لو فضلت تقرقض في ضوافر رجليها ببقها ..
__________________

هااي يا اسامه ازيك
يا اسامه عاوز الايميل بتاعك بجد في مواضيع مهمه قوي عندي عاوز الحل ليها
.. معلش يا اسامه بليز و الله يا اسامه انا تعبانه موووت و انت الامل الوحيد ليا ..
__________________
هااي اسامه يا احلي و اجمل صوت في الدنيا
اسامه بليز ممكن حلقه عن الحب من طرف واحد اصل اخوك كهربائي سيارات ...
بحبك مووووت يا سوكا
_________________
هااي يا اسامه انت اجمل و احلي صوت في الكون كله
ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه
مش هيلاقى غيرى لانى بحبه بصدق ومش عاوزة منه اى حاجه
خالص.. و هتنازل عن تمن الموبايل اللي ضربوا مني
في الشهر اللي فات و باعه و جاب بيه كله عشان يشمها ..
_________________
هاااى اسامه انا فى عندى مشكله انا
بحب واحده ومش عارف اصرحها خايف يكون الحب من طرف واحد
بحبك يا سندس ااوووي .
_______________
هاااي اسامه ازيك
انا سنية من القاهرة
انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه سمكري سيارات و ان البويه جت علي شعره
اسامه انا مش عارفه اعمل ايه انت املي الوحيد
_________________
الوقت بيمر معاكم بسرعة وقت حلقتنا انتهى و حاتم فرحان مش عارف ليه
باين البنت بتاعت الدره حولت له رصيد تاني
كان معاكم اسامة منير علي نجوم اف ام مزيكا علي كيف كيفك
في انا و البطيخ و هواك من 12 لـ 2
بشكر كل اللي كلمنا و اللي بتعت ا س ام اس
مع انا و البطيخ و هواك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6
مزيكا علي كيف كيفك

برعاية
مالنادي الاهلي و الزمالك
اديداس و بوما و نيكي و لوتو و امبروو
اميجو كوتشي بينور
امريكانا الجودة
لانشون حلواني الإخوان
منظمة التحرير الفلسطينية
مجلس الشعب
سمنة الهانم

بجد حرام البهدله اللي اتعملت في البرنامج ...

بس الفكره جامده نعمل ايه بقي, ماتزعلش يا عم اسامه و لا انته يا حتووووووووم Very Happy

مرسى اوى للمرور والرد
بس بجد انا من عشاق البرنامج دا يا جماعه وكله هزار طبعا

جميل جدا البرنامج ده

Very Happy

[center]

متشكره على ا لمرور والرد ايه انت كمان من متابعينه ولا ايه

انا مش بفوت حلقه والي يفوتني بنزله من النت واسمعه

طيب كويس انا بقالى كتير مسمعتهوش بس هحاول اتابع تانى

حلو اوى الموضوع دا
دا حتى و الله الكلام دا احسن من اللى بيقولة اسامة
مع احترامى لكل الناس اللى بتحبة
بس انتى متعبتيش من الكتابة؟
دا انا تعبت من القراية
بس بجد حلو موووووووووووووووووت

جامدة جامدة جامدة جامدة جامدة مووووووووووووووووووووووووووووووووووت
حلو اوي الموضوع دة يا برايت و بجد مت من الضحك
و علي فكرة انا بطلت اسمع البرنامج من كتر الهبل اللي بيحصل فية
و بجد انتي عبرتي عن كل اللي انا كنت عايز اقولة عن البرنامج

تسلم ايدك يا باشا و دايما كدة تموتيني من الضحك بمواضيعك

لا يا عمرو متعبتش بس انا بحترمه جدا وبحسد ولاده عليه
معلش يا عمرو لازم تستحمل امال ايه اكسر على نفسك قله

ايه دا يا وليد انت شكلك بتتريق ماشى
حسابنا بعدين الا اسامه منير

يلا اضحكلك شويه مش هيبقى كله زعل

الحلقة دى لو حقيقية على ماأعتقد أسامة هيقعد فى بيتهم
ويتابح حاتم وهو لسة بيضحك على الفاضى برضة

هههههههههههههههه
عندك حق

شكرا لللرد